सम्झौताअनुसार नभएपछि मलेशियाबाट फिर्ता

2070 भदौ 28 गते 18:33 मा प्रकाशित

२८ भदौ, खोटाङ । कम्पनीले सम्झौताअनुसारको काम र तलब नदिएको भन्दै मलेसियाबाट खोटाङका एक व्यक्ति स्वदेश फर्किएका छन् । कार्यरत कम्पनीले सम्झौताअनुसारको काममा नलगाएको र मासिक तलब नदिएको भन्दै खोटाङको नेर्पा-६ का कृष्णप्रसाद रिजाल स्वदेश फर्किएका हुन् ।

सम्झौताअनुसारको मासिक तलब पाउनबाट वञ्चित गराएको र तोकिएभन्दा फरक काममा लगाएका कारण मलेसिया पुुगेको तीन महिनामै काम छाडेर घर फर्किएको बिहीबार काठमाडौँ आइपुगेका रिजालले बताउनुभयो ।

मासिक ९०० रिङ्गेट पाउने सर्तमा काठमाडौँको इन्टरनेसनल मेनपावरमार्फत मलेसियाको टिएसएल एसेम्ब्ली कम्पनीमा पुगेका रिजाललाई कम्पनीले मासिक ६०० रिङ्गेटमात्र दिएको थियो । रिजालले सम्झौताअनुसारको तलब नपाएको, सम्झौता विपरीतको काममा लगाएको र काम गर्ने क्रममा दाहिने हातको बुढीऔँलाको नङ झरेको भन्दै तत्काल उद्धारका लागि आग्रह गर्नुभएको थियो ।

पिपुल्स फोरमको सहयोगमा उद्धार गरिएका रिजालले स्वदेश फर्किएलगत्तै क्षतिपूर्तिका लागि मेनपावरविरुद्ध मुद्दा हाल्ने तयारी गर्नुभएको सूचना केन्द्रका कार्यक्रम संयोजक नवीन्द्र राईले जानकारी दिनुभयो । रासस

“सम्झौताअनुसार नभएपछि मलेशियाबाट फिर्ता” मा प्राप्त 1 प्रतिकृया
  • Tafima Banu लेख्नुहुन्छ    |   2070 असोज 10 गते 11:56

    manpower biruddha mudda layer kehi hunna, manpower ma puryaune agent dekhi malaysia ko company ko agent samma sab lai hernu parne cha,hami sanga yasta lakh manche chan jo ahile illegal cha ra nepali nepali bata nai thagee rako chan. nepali agent bhayer yaha baser kaamdaar magauchan ra contract form nai change garee ja bhaneko tya kaam garnu parcha. hajaro ahile jail ma chan tyata tir kasko dhyan jaane hola.

  • Nepali Ma लेख्नुहुन्छ    |   2070 मंसिर 1 गते 21:13

    Tafima Banu > Sakchau bhane kehi gara natra halla nagara.. Kam chaina Comment hanyo basyo. Hajur ko dhyan gayera k bhayo ra yaha comment gareko. Wahiyat !

Nepal Stock Exchange
अर्थ-वार्ता

‘सौराहामा डान्स र दोहोरी रेष्टुरेन्ट खोल्न दिँदैनौं’

चितवनको सौराहाका पुराना पर्यटन व्यवसायी हुनुहुन्छ हरिभक्त घिमिरे । उहाँ अहिले जंगल सफारी लजका प्रबन्ध निर्देशक हुनुहुन्छ । तीन कार्यकालसम्म क्षेत्रीय...