OnlineKhabar.com

राष्ट्रिय क्रिकेट बिजेतालाई एक लाख २५ हजार पुरस्कार

2070 असोज 9 गते 20:14 मा प्रकाशित

९ असोज, काठमाडौं । बिहीबारदेखि काठमाडौंमा सञ्चालन हुने सिनियर ट्वान्टी-ट्वान्टी राष्ट्रिय क्रिकेट प्रतियोगिताका बिजेतालाई एक लाख २५ हजार पुरस्कार प्रदान गरिने भएको छ ।

नेपाल क्रिकेट सङ्घका सचिव ठाकुरप्रसाद पहाडीले दिनुभएको जानकारीअनुसार प्रतियोगिताका उप विजेतालाई ७५ हजारका साथै शिल्ड, म्यान अफ दी सिरिजलाई १५ हजार र उत्कृष्ट ब्याट्सम्यान र उत्कृष्ट बलरलाई जनही १० पुरस्कार दिइने छ ।

असोज १८ गतेसम्म काठमाडौँमा हुने प्रतियोगितामा क्यानका नौवटा क्षेत्रीय टिमका साथै दुई विभागीय टिम -सशस्त्र प्रहरी बल र नेपाली सेना) गरी ११ टिमको सहभागिता रहनेछ । क्षेत्र नं. ९ र नेपाली सेनाको टिम प्रतियोगितामा पहिलोपल्ट सहभागी हुन लागेको क्यानले जनाएको छ । रासस

अनलाइनखबरको एन्ड्रोइड एपका लागि यहाँ क्लिक गर्नुहोस् । तपाईं हामीसंग फेसबुकट्वीटरमार्फत् पनि जोडिन सक्नुहुन्छ ।

“राष्ट्रिय क्रिकेट बिजेतालाई एक लाख २५ हजार पुरस्कार” मा प्राप्त 1 प्रतिकृया
  • seeeraaaaaa लेख्नुहुन्छ    |   2070 असोज 10 गते 7:29

    yeti jabo rakam ta hami le gaun ghar ma aayojana garda din6au yar